(CuraçaoChronicle) – Un homber di 43 aña a ser sentencia na corte di Brussels cu un castigo di 3 aña den prizon pa trafico di droga.
E homber en cuestion a ser aresta na Brussels Airport yegando di Corsou cu mas di un kilo y mey di cocaina den su ekipahe. Segun su abogado, e homber a ehecuta e transport aki di e droga pa por paga su debenan.
E homber aki a yega aeropuerto dia 30 di october cu un vuelo di Corsou. Su maleta a ser revisa y a resulta cu e maleta en cuestion tabata modifica y tabatin un di dos parti, den cual tabatin 1.63 kilo di cocaina scondi. “Mi cliente mester a ricibi un operacion den aña 2020 y desde e tempo aki tin un debe na e hospital,” e abogado di e homber a argumenta.
E debe tabata di 14,000 euro y e tabata kier a paga esaki lo mas pronto posibel. Cu e transport di e cocaina aki e homber lo a ricibi 8,000 euro, cual segun e homber e lo por a usa bon. E ta realisa cu esaki tabata un gran eror y ta spera cu e sentencia lo ta lo mas leve posibel pa asina e por busca trabao rapidamente ora cu e sali den libertad.
E peticion di e homber no a conmove corte pa otorga ningun cambio na e sentencia, resultando cu el a ricibi veredicto di 36 luna den prizon.
