(AP) – E señalnan di advertencia tabata disponibel pa cualkier cu yega na esaki por mira, dianan prome cu e hoben di 18 aña a drenta un scol na Texas y a asesina 19 mucha y 2 maestro.
Tabatin e potret publica riba Instagram di un man wantando parti di e arma di candela, un perfil riba TikTok cu a adverti cu e mensahe “muchanan, tene miedo,” y e imagen di dos otro arma di candela riba e persona hoben su pagina di Instagram.
E tipo di personanan aki ta lagando rastronan digital cu ta duna un advertencia di loke ta bini prome cu nan ehecutva esaki.
“Ora un hende cuminsa publica e tipo di potretnan aki, nan ta anunciando na mundo cu nan ta cambiando e tipo di persona cu nan ta,” agente di FBI retira Katherine Schweit a comenta, ken tabata dirigi e agencia su programa di tiroteo. “E ta un yamado pa pidi ayudo. E ta manera nan ta tentabo, “bo por catch mi?”
Sinembargo e publicacionnan aki hopi biaha ta no ta ser mira pa motibo cu nan ta perde den un oceano di potret publica riba Instagram unda cu ta mira tur parti di un arma di candela, te hasta tin un ‘hasthag’ unda cu personanan ta keda encurasha pa publica e potret di nan arma di candela, unda cu diariamente ta mira mas di 2 miyon publicacion di e topico aki.
Pa autoridadnan di ley y companianan di rednan social, e ta dificil pa yega na un imagen di e tipo aki di un persona cu tin e potencial di sali y cuminsa un tiroteo, segun loke Schweit a expresa. Esaki ta e motibo dicon e ta motiva tur hende pa “no ignora e tipo di publicacionnan aki, specialmente di muchanan of hobennan adulto. Reporta nan, na un scol, consehero of te hasta e linea di FBI.”
