Dos senador Mericano di estadonan cu sectornan di manufactura den decadencia ta pushando pa inverti $8 biyon mediante credito di impuesto pa crea trabao den energia limpi.
Senadornan Mericano, Joen Manchin di West Virginia y Debbie Stabenow di Michigan a revela legislacion ayera cu tin meta pa yuda comunidadnan rural cu a perde trabao den industria petrolero y di carbon.
E propuesta tin intencion di incentiva companianan produciendo bateria, vehiculo electrico y di fuel cell, chip semiconductor y otro tecnologianan di energia renobabel.
E dos Democrata a bisa cu lo tin meta la lanta Appalachia, unda e caida di carbon a devasta economianan local, y otro partinan di e pais unda manufactura a keda reduci. Mita di e $8 biyon lo bay na comunidadnan unda mina di carbon a cera of plantanan di energia di carbon a cera. E otro mita lo ta enfoca riba industria automobilistico, Manchin a bisa.
“Esaki ta basicamente loke nos mester pa hende haci e inversionnan pa asina hende por tin bon trabao den e area unda nan kier biba”, Manchin a bisa.
