Durante añanan Colombia a defende un strategia di guera total contra droganan cu no a duna un bon resultado. Ademas di costoso, e enfrentamento contra narcotrafico tabata ineficiente y hopi di e obhetivo cu tabata busca como reduccion di consumo di substancianan, eliminacion of reduccion di su produccion y distribucion, a cay den un saco kibra.
Kisas a yega e ora di busca solucionnan nobo y un di e senador cu mas prestigio na e pais cu un carera cu ta supera 40 aña na politica, Ivan Marulanda, kier legalisa industria di coca pa vence e comercio ilegal.
Den un entrevista, e ex-alcalde di Pereira ta expone e puntonan maestro di un proyecto di ley di legalisacion di cocaina cu na e momentonan aki ta den proceso na Congreso Colombiano.
Marulanda ta forma parti di e base di 40 aña di politica antidroga, y di criminalisacion di e coca, un strategia apoya pa Merca, cu no a duna e resultadonan cu tabata di espera, pa loke su conclusion ta hopi claro: Estado mester cumpra e totalidad di cosecha di coca pa cada aña.
Un plan cu por ta hopi complica, pero cu ta cobra algun sentido ora ta papia di numbernan. Actualmente Colombia ta gasta mil miyon dollar den e campaña di eliminacion di coca, mientras cu su adkicision lo sali pa 680 miyon dollar. E senador ta señala cu ta costa menos placa cumprel’e cu destrui’e.
Su proposicion ta recoge cu danki na e adkisicion aki, lo por haci na prijs di mercado, 200.000 famia cu ta dedica pa e negoshi ey awor ya no lo wordo persigui y lo pasa pa un esfera legal, loke por tin un bentaha pa tur e partinan.
