(NTN24/AFP) – Presidente Mericano Donald Trump a referi repetidamente na “paisnan di m*****” durante un reunion diahuebs pasa na Cas Blanco, unda a discuti inmigracion, asina e senador democrata Dick Durbin a sigura, kende tabata presente na e encuentro.
Trump “a tweet awe mainta nengando cu el a uza e palabranan ey. No ta berdad. El a bisa e cosnan ey yen di odio, y a bisa nan repetidamente (…). El a haci e declaracionnan vil y vulgar ey, yamando e nacionnan ey paisnan di mierda,” Durbin a sigura durante un entrevista na television.
E presidente a skirbi ayera (diabierna) riba su cuenta di Twitter cu e “lenguahe cu mi a uza den ne reunion tocante DACA tabata duro, pero esey no tabata e palabranan uza.”
Despues el a afirma cu “nunca mi a bisa algo despectivo di e Haitianonan, mas leu cu bisa cu Haiti, obviamente, ta un pais hopi pober y cu hopi problema,” segun reporte di agencia di noticia AFP.
