(AP) – Senado Mericano a aproba legislacion diamars cu ta diseña pa proteha e muchanan for di contenido peligroso online, siguiendo e caminda cu loke lo bira e prome esfuerso grandi di Congreso den decada pa e companianan di tecnologia ta responsabel pa e daño cu nan ta causa.
E proposicion, cual a ser aproba 91-3, a ser promovi pa mayornan di muchanan cu a comete suicidio a despues di bullying online of a sufri otro tipo di daño haci pa contenido online. E lo obliga companianan tuma pasonan rasonabel pa preveni dano riba e plataformanan online frecuentemente usa pa menornan, rekeri nan pa “eherce nan responsabilidad di cuido” y sigura cu nan lo generalmente automaticamente usa e settings mas safe posibel.
E Cas te ainda no a tuma accion pa cu e proposicion. Vocero Mike Johnson, R-La., a bisa cu e “comprometi pa yega na un consenso,” pero te ainda no a bisa si e lo trece esaki pa un voto. Sostenedornan ta spera cu e voto fuerte di Senado lo haci su e Cas lo actua prome cu fin di e temporada di congreso na januari.
President Joe Biden a encurasha e Cas pa manda e legislacion su mesa “sin atraso. Awe nos muchanan ta someti na un selva online y nos leynan y regulacionnan actual no ta suficiente pa preveni esaki,” Biden a bisa. “E tempo pa actua a pasa caba.”
E legislacion ta tocante permiti muchanan, hobennan y mayornan “tuma e control di nan bida online,” Senador Democratico Richard Blumenthal di Connecticut a bisa, ken a skirbi e proposicion conhuntamente cu Senador Republicano Marsha Blackburn di Tennessee. El a bisa cu e mensahe na companianan di tecnologia grandi ta “nos no ta confia boso pa tuma decision pa nos mas.”
E proposicion lo marca e prome pakete grandi di regulacion den tecnologia den añanan y e por potencialmente habri e caminda pa otro proposicion cu lo fortalece leynan di privacidad online of crea parametro pa e uso di inteligencia artificial cu ta keda aumenta, entre otro. Mientras cu for di hopi tempo tin sosten bipartisano pa e idea cu e companianan grandi di tecnologia mester enfrenta mas critica y monitor for di gobierno, tin tiki consenso riba con esaki mester keda haci.
Congreso a aproba e legislacion anteriormente e aña aki, unda ta obliga e compania basa na China TikTok bende of enfrenta un prohibicion, sinembargo e ley aki ta contra un solo compania.
“Esaki ta un bon prome paso, pero nos tin mas trabao pa haci,” Lider di mayoria den Senado Chuck Schumer a comenta.
Si e proposicion aki bira un ley, e companianan lo ta rekeri mitiga e daño causa na muchanan, incluyendo bullying y violencia, e promocion di suicidio, desorden alimenticio, abuso di substancia, explotacion sexual y avisonan pa productonan ilegal manera narcotico, tabaco of alcohol.
Pa haci esaki, e Plataforma lo mester provee menornan cu opcion pa proteha nan informacion, deshabilita e funcionnan di producto adictivo y opta fuera di recomendacion personalisa. Tambe nan lo ta rekeri di limita e otro usuarionan di comunica cu e muchanan y limita funcionnan cu ta “aumenta, sostene of extende” e uso di e Plataforma, manera autoplay riba videonan of premionan riba e Plataforma.
