Seis turista Brasileño a fayece na centro di ciudad di Santiago pa motibo di un lek di carbon monoxide den e apartamento cu nan a huur mediante Airbnb, empeorando un relacion ya caba tenso entre e plataforma di huur basa na San Francisco, hotelnan local, y otro residentenan.
E compania a bisa cu ta dunando sosten na e famia di e difuntonan, y siguridad di e huespednan y e anfitrionnan ta e prioridad di e compania. Incidentenan negativo ta ‘extremadamente poco comun’, y Airbnb ta notifica huespednan ora nan propiedad di huur no tin detector di huma of carbon monoxide, e compania a bisa den un declaracion via email.
Corte Supremo di Chile a duna veredicto na augustus cu administradonan di edificio por impone multa na doñonan di apartamento cu ta huur nan propiedad riba e plataforma, un veredicto cu a wordo celebra pa e asociacion di hotelero di e pais.
Na 2017, e servicio di ingreso interno a investiga listadonan di Airbnb pa supuesto evacion di impuesto di ingreso y balor añadi. E propuesta pa reforma di impuesto di Chile, cual ta den debate den congreso, ta contempla un impuesto di economia digital, cu lo colecta impuesto riba plataformanan online manera Airbnb.
