Gobierno a anuncia cu tin seis persona mas infecta cu virus COVID019. Esaki ta aumenta e total na 46 persona riba isla di Aruba.
Den total a test 561 persona, cu a conduci na e resultado. Aruba ta lider den e region pa locual ta test cu a realisa.
For di mey anochi Aruba lo ta bou ‘shelter in place’, nificando cu no por sali di cas. E excepcion ta pa bay supermercado, dokter, botica y busca takeaway. Si tin un trabou den servicionan vital, por sigui traha.
Tur compania lo ta cera cu excepcion di pompstation, supermercado, botica, takeaway, hospital. Medionan di comunicacion mag di continua nan trabou.
For di mañan, ta aplica un lockdown complete. No ta permiti pa niun hende drenta e pais, ni hasta si nan ta residente.
