(AP) – California a mira un cantidad di beer ta drenta autonan. Sinembargo, beernan gara riba camara ta drenta vehiculonan di luho a duna e seguronan e impreson cu algo no ta bon.
Den loke ta yama “Operation Bear Claw,” California Insurance Department a bisa cu 4 residente di Los Angeles a keda deteni diaranson, acusa di comete fraude na 3 compania di seguro pa un cantidad di casi 142,000 dollar pa medio di bisa cu un beer a causa daño na nan vehiculo.
E grupo ta acusa di provee imagennan di video for di San Bernardino Mountains na januari di un beer ta move den un “Rolls Royce” y dos Mercedes na e companianan di seguro como parti di e claim, e departamento a bisa. Potretnan cu e companianan a provee ta mustra loke aparentemente ta rasca riba e portanan y asientonan.
E compania mirando e video di e Rolls-Royce a sospecha cu no ta trata di un beer paden, sino un persona den costume di beer.
Detectivenan a haya 2 claim adicional cu 2 otro compania di seguro cu e mesun fecha di perdida y na e mesun sitio. Un video similar a ser duna di e “beer” paden di e Mercedes.
No tabata inmediatamente conoci si e 4 persona deteni tin abogado.
E departamento tabatin un biologo di California Department of Fish and Wildlife, ken nan a pidi evalua e 3 videonan y el a conclui cu ta “claramente un ser humano bisti manera beer,” e departamento di seguro a bisa.
Despues di duna un ordo di buskeda, e detectivenan a haya e costume di beer den e sospechosonan su cas, segun e departamento a informa.
Beer drentando hende su cas of bari di sushi buscando cuminda a bira un problema na California, for di Lake Tahoe te na Los Angeles, unda algun ta conoci di drenta hende su frishider y drenta nan pool.
