The small group of buildings after a family group were discovered to be living in secluded conditions in Ruinerwold, 130 kilometers (80 miles) northeast of Amsterdam, Netherlands, Tuesday Oct. 15, 2019. Dutch authorities were Tuesday trying to piece together the story of a six-member family group believed to have lived for nine years on a farm, isolated from the outside world in the rural east of the Netherlands. (RTL Netherlands via AP)

Polis Hulandes a bisa cu un grupo di persona descubri e siman aki den un granja isola por ta teni eynan contra nan boluntad pa hasta 9 aña, mientras nan a aresta un homber di 67 aña, kende ta bisa ta e tata di e grupo.

“Nos tin motibo pa sospecha cu e seis persona involucra no a keda den e cas… pa nan propio boluntad liber”, Polis a bisa den un declaracion.

Polis a listra e granja den e pueblo rural 130 km for di Amsterdam dialuna, despues cu un homber a bandona e edificio y bati alarma. Nan a haya seis persona, tur adulto kende a bisa nan ta pertenece na un famia, den cambernan den e cas, cual apenas tabata visibel for di caminda tras di un rij di palo. E homber kende a bati alarma despues di drenta un bar local y pidi cinco cerbes pa su mes tambe ta bisa cu e ta pertenece na e famia.

Un homber di 58 aña kende tabata huur e granja a keda aresta despues di e accion dialuna bou sospecha di participacion den ‘privacion di libertad y daño na salud di otronan’ y tambe labamento di placa. Segun reporte e tin nacionalidad Austriaco y no ta famia di e otro personanan involucra den e caso.

Diahuebs, Polis tambe a detene e supuesto tata en conexion cu e mesun sospecha.

Mientras e seis persona den e granja y esun cu a bati alarma ta bisa cu nan tur ta e mesun famia – un tata y seis ruman adulto – polis ta bisa cu ainda ta investigando e relacion exacto, ya cu ningun ruman ta registra cu autoridad.

Alcalde local a bisa na un conferencia di prensa e siman aki cu ta kere cu e mama di e famia a fayece hopi tempo atras. “E investigacion aki ta tocante un situacion unico”, polis a bisa. “E hende aki por a biba den e cas cu otro, separa di sociedad, desde 2010.”

Inicialmente, medionan Hulandes a reporta cu e famia por tabatin miedo di fin di mundo. Diahuebs tabatin reporte cu nan por tabata siguidonan di Unification Church, cual criticonan ta considera un culto.

Polis a bisa cu specialistanan ta cuidando e rumannan, mientras un team di 30 investigado ta busca evidencia den e cas, incluyendo imagennan digital di tur area den cual tabata biba.