SEPPA a canalisa e preocupacion cu ta existi cu e decision di gobierno pa scol habri memey di e pandemia cu mundo henter ta pasando pa causa di e coronavirus/Covid-19.
SEPPEA ya yega di señala cu ya prome cu e anuncio di un posibel apertura di scolnan (pa 25 di mei), esnan den e sector di educacion a cuminsa sinti e intencionnan pa habri scolnan. Pero na mes momento a sinti tambe cu na nivel di gobierno, no tin e comprension encuanto e peliger di e plamamento di coronavirus den cura di nos scolnan, pafo di scol, pa mayornan, famia y conocinan y bao nos comunidad.
Cu preocupacion SEPPA ta trece dilanti cu mas ainda ta parce cu e staf di personal (docentenan, werksternan, assistentnan) lo no ta tampoco protegi pa medidanan di distanciamento social.
Cantidad grandi di mucha den un klas combina cu nan edad jong ta nifica klas cu por bira un fuente di transmision di e coronavirus y plamamento di esaki. Pero e tema aki di cantidad di mucha den klas por varia pa scol y klas.
E pregunta akinan tambe ta con ta bay splica mucha cu nan no mag di hunga hunto, nan no por ta cerca di otro pa papia cu otro ta parce cu nan mes tin cu midi e distancia.
SEPPA ta haya cu tin cierto discrepancia den e potencianan. Un rato ta bisa cu muchanan no ta pega otro, pero den un rueda di prensa, bo por scucha dos diferente ponencia. Un dokter di cas ta bisa un cos, y un otro persona ta bisa diferente. Loke nos kier bisa akinan ta cu distanciamento social no ta bay den Scolnan Basico.
Pero mientras cu te awo ta parce cu muchanan generalmente tin sintomanan ‘leve’ of no tin mes, loke no ta mucho cla of suficiente cla si esaki por wordo transmiti pa adultonan. Nos no ta kere cu gobierno mester expone e tipo di riesgonan aki na nos sociedad.
Tanto mayornan como esnan den cuido di nos muchanan, mester tin e full confianza cu scolnan ta sigur prome y despues di regreso di nos studiantenan.
