Sanccion maximo cu salubridad por duna pa falta di cumplimento di higiena ta 48ora cera, esaki ta wordo duna tambe manera cu mira señal di kakalaka of di raton na un establecimento, Sra Yvette Geerman ta splica.
A puntra Sra. Geerman kico ta e falta di cumplimento cu mas hopi ta mira durante control di restaurantnan. El a bisa cu esaki ta e “ongedierte” of “pests”. Asina cu mira señal di raton of kakalaka, ta motibonan pa e luga ricibi sanccion di 48ora. Esaki ta un parti cu ta resalta hopi unda cu ta ripara cu e localidadnan no ta wak e importancia, cual ta indicacionnan cu departamento di salubridad ta haya cu mester keda pone hopi enfasis riba conscientisacion.
Un problema cu kakalaka of raton logicamente no ta wordo resolvi dentro di 48 ora, Bon Dia Aruba a puntra Sra. Geerman kico ta spera exactamente di e localidad e ora. El a bisa cu nan mester tin un plan traha hunto cu un luga manera Pest Control, un ‘pest control management’ mester ta na su luga. “Locual cu nos ta tuma nota ta, cu na momento cu no tin control, of tin un gap grandi e problemanan aki ta bin bek. E ora ta wak cu tin hopi cos cu salubridad mester analisa internamente tambe. E por tin di haber cu nan no ta consciente di e consecuencia, di e bestianan aki por ehempel,” el a splica.
.jpg "Resultado di test di awa na hotel cu a haci hende malo keto bay den su fase di finalisacion")
