Recientemente, Ministerio Publico di Aruba a duna di conoce nan relato anual pa aña 2023 na unda cu den un documento basta extenso nan ta informa tocante proyectonan relevante y obhetivonan cu nan a logra pa nan organisacion. Den esaki, a informa por ehemplo tocante investigacionnan y persecusion di casonan di corte den prome instancia.

Na 2023 e cantidad total di sospechosonan registra den casonan penal 2.187 compara cu 3.021 na 2022.

Compara cu 2022, a constata un bahada den e cantidad di sospechosonan registra den casonan penal observa di 28%.

Compara cu e cantidad di menornan di edat na 2022, a observa un aumento leve di 3%. Di e total di sospechosonan registra den casonan penal, 971 sospechoso a ser presenta dilanti di fiscal di Ministerio Publico.

Pa loke ta trata e crimen mas comun, por mira den e grafico cu a constata aumento den coremento sin rijbewijs. Aña pasa, e crimen aki a keda na prome luga, cu un cantidad mas abou di 716 sospechoso compara cu 2023. Esaki ta representa un aumento di 26%.

Ta prome biaha cu delitonan sexual ta aparece den e top 10. E causa di esaki probablemente ta debi na e proceso di conscientisacion den sociedad di Aruba tocante aangifte pa haci.

E 5 crimen mas halto bou di menornan di edad na 2023 tabata:

1. Violencia

2. Menasa;

3. Ladronicia bou di circunstancianan agravante;

4. Heling;

5. Destruccion.

Corupcion

Combati minamento tabata un punto di enfoke den e plan anual di 2023. Combati corupcion ta parti di un acercamento efectivo pa mina criminalidad. E tabel adhunto ta duna un bista di e casonan penal registra cu, en particular ta relaciona cu corupcion:

– Soborno activo;

– Soborno oficial pasivo;

– Mal uso di posicion;

– Falsificacion;

– Fraude;

– Labamento di placa.

Total di sospechoso ta 88 pa loke ta trata crimen di corupcion pa aña 2023, 33 di nan a ser cita, 20 di nan a haya nan sepot, 3 a haya Voorwaardelijk Sepot/ TOM, 22 no tin decision ainda y 18 a haya un senteencia caba.

E cantidad di sospechoso a aumenta cu 65% compara cu aña 2022. Di e 44 citacion cu a ser traha, 18 sentencia a ser pronuncia. E dagvaarding ainda mester ser hiba dilanti di corte. Den e casonan cu a keda, toch a dicidi pa (condicionalmente) schors e caso.

Pa loke ta trata labamento di placa, na 2023 tabatin un total di 20 sospechoso, 5 di nan a ser cita, 3 a haya Sepot, 4 a haya Voorwaardelijk Sepot/ TOM, 8 no tin decision ainda y 2 a haya sentencia.

Mensensmokkel

Mensenhandel en mensensmokkel tambe tabata un prioridad na 2023 caminda 13 investigacion a cuminsa pa loke ta trata biahenan di contrabanda cu boto for di Venezuela. Sospechosonan a ser identifica pa loke ta trata 7 boto y tambe a ser persigui. Despues di mas investigacion, no a surgi ningun sospechoso pa 5 boto of tabata tin insuficiente prueba pa persigui e sospechosonan. Un caso ainda ta bou di investigacion. Hende a muri riba dos diferente biahe den boto. Un biahe den boto a envolvi 1 persona. E otro biahe den boto a encera (por lo menos) 4 persona.

Ademas a realisa estudionan basa riba proyecto den e zona di prostitucion na San Nicolas. Esaki a conduci na dos investigacion mas riba contrabanda di hende cu ta encera nan salida y duna nan ​​residencia legal pa ganashi. E investigacionnan anteriormente menciona hopi biaha tabata envolvi hende muhe Colombiano cu tabata traha sin permiso den e barnan y tabata aloha pa e sospechosonan. Un di e casonan aki ainda ta bao investigacion den posibel aspectonan di traficacion di hende.

A registra cuatro sospechoso pa loke ta trata e delito di traficacion di hende. Despues di mas investigacion, 2 di esakinan a ser cita pa contrabanda di hende y tambe a ser condena. No a tuma ningun desicion ainda pa 2 sospechoso.

Ademas di e hecho cu TOM-afdoening ta faborabel pa e sospechoso pa motibo cu e retiro condicional no ta constitui un obstaculo pa haya un Verklaring Omtrent het Gedrag (VOG), esaki tambe ta reduci e presion riba capacidad di oido na Corte te na cierto grado.

Na 2022, mas sospechoso a ser yama pa e audiencia di TOM, esta 386, di cua 272 a presenta na e audiensia. Na 2023, e cantidad di sospechosonan cita a baha pues cu 11%, mientras cu e cantidad di sospechosonan cu no a presenta a aumenta cu 145%.

Bon Dia Aruba lo sigui amplia un poco mas di e rapport aki den un siguiente edicion.