(Reuters) – Ayera dialuna e presidente di Mexico, Andres Manuel Lopez Obrador a bisa cu e guera entre Rusia y Ucrania lo duna impulso na inversion na su pais y lo causa un aumento mayor di e di dos economia mas grandi di Latino America.
E pandemia di coronavirus y awor e guera na Europa, a afecta e cadena di suministro, loke a provoca cu hopi compania cu ta surti e mercado Mericano ta move nan produccion for di Asia. Algun di nan a establece na Mexico.
“Awor cu e crisis economico nobo, producto di e guera, Mexico ta bira e prome, segundo of di tres pais cu mas oportunidad pa inversion na mundo”, e mandatario a bisa den un conferencia di prensa, durante cual tambe a papia di un “rapport financiero” sin duna mas detaye.
“Cu loke ta pasando na Rusia, a causa un desplasamento y afortunadamente, nos pais ta den e prome nivelnan”, el a agrega. “Esaki ta bay nifica mas inversion, mas crecemento, mas trabao”.
Economia Mexicano a crece un 5% na 2021 y e aña ta calcula cu lo expande na un ritmo mas slow: entre 2.5% y 2.6% pa efectonan di pandemia. Analistanan y entidadnan como Fondo Monetario Internacional (FMI) a bin reduciendo expectativa di expansion pa economia Mexicano.
