Awe di 1 or te 5 or un grupo di organisacionnan contra abuso di polis lo ta demostrando na Den Haag den Koekamp pa asina husticia persigui 2 di e 5 polisnan cu a agredi Mitch Henriquez, cual lo a conduci na su morto. Alabes fuente nu.nl ta raporta cu 3 specialista y cardiologo cu a trata e difunto den pasado a constata cu e supuesto ‘accute stress syndrome’ cual a conduci na su morto ‘no ta existi’.

Professor Armand Girbes di VU Medisch Centrum conhuntamente cu professor Jan Bakker di New York University, Diederik Gommers di Erasmus Medisch Centrum y cardiologo/intensivista Rémon Baak  di Haga Hospitaal a combersa durante un programa di radio di Argos riba e rapportahe cu a wordo haci pa expertonan tiba e causa di Mitch Henriquez su morto. Dokter forensico Kees Das di GGZ y Daan Botter di Instituto Forensico di Hulanda (NFI) durante un sesion den corte a constata cu e sindroma tabata e causa di e morto.

E specialistanan aki al contrario no ta haya cu e stress lo por a ta e causa di e morto, si no un efecto secundario. Ademas nan a expresa cu e ‘acute stress syndrome’ no ta existi como un malesa pues no por conduci na niun hende su morto. Rémon Baak, kende a trata Henriquez den e hospitaal a bisa cu el a muri pa via di falta di oxigeno. “Esaki a bin pa via di e nekklem.”

Rapport di expertonan

Jan Bakker a haya permiso di e familiarnan di Henriquez pa lesa e rapport tocante e difunto su morto. . “Bo ta pone un nekklem riba un persona, sinta riba su pecho, primi su bariga riba vloer y despues e persona tin yen sanger ta sali y parti kibra den e weso di su nek, tur esey ta conduci na e diagnostico exotico di ‘accute stress syndrome’. Esaki ta un manera hopi straño di pensa.”, sr. Bakker di na Argos.

E programa di radio a bin despues cu un investigacion a tuma luga cual a conclui cu e rapport di expertonan a wordo teni afo di e strafdossier pa e defensor. E conclusion di e rapport, skirbi pa Wim van de Voorde, ta cu Henriquez no a muri pa via di stress. Diahuebs proximo 21 di december lo trece e sentencia dilanti corte relaciona cu e morto di e hoben Arubano. Henriquez a muri despues di un detencion na un festival di musica den 2015. El a perde consenshi, y despues di a yega na bureau di polis a constata cu su curason a stop. El a wordo reanima y a muri un dia despues den hospitaal.

Botter su rapport

Den e rapport traha pa Botter a wordo aclaria cu personanan cu ‘accute stress syndrome’ por bira violento y no sigui instruccionnan di polis. Personanan cu e sindrome hopi biaha ta fuerte y tin un resistencia pa dolor. E sindroma por conduci na fayo di curason. Botter a investiga tambe e herida cu Henriquez a haya pa via di e detencion. Botter onderzocht ook het letsel dat Henriquez opliep door de aanhouding. E heridanan cu el a sufri tabata mas tanto den su voice box. E dokter forensico ta haya cu e heridanan aki lo tin tiki chens di a conduci na su morto.

Demostracion contra agresion di parti di polis

Un demostracion lo tuma luga awe na Koekamp cu lo trece e simpatisantenan rond di e palacio di paz y bek na e cuminsamento unda diferente oradonan lo hiba palabra riba topico di violencia policial. E oradonan lo ta entre otro Elvin Rigters, Alex Dijkhoff (primo di Henriquez), Daryll Landbrug y Naomie Pieter. E demostracion lo tuma luga entre 1 or y 5 or.