Encuanto e forma con ta wordo haci na Corsou pa baha e peso di e gasto di enseñansa riba nan presupuesto, minister di enseñansa, ciencia, cultura y deporte di Corsou, Marilyn Alcalá-Wallé a declara na Bon Dia Aruba cu practicamente, pa loke ta trata presupuesto di enseñansa, un 90% ta bay pa personal. Gran mayoria di e presupuesto aki ta wordo inverti den nan maestronan y ekipo di scol.
Segun e mandatario aki, mirando e presupuesto asigna pa enseñansa, esaki ‘ta nifica cu nos no sin mas por spaar riba e area aki di educacion’. Pasobra hustamente bo maestro ta instrumental pa nos forma bo hobennan.
Locual nan ta haciendo aworaki na Corsou ta wak y analisa nan ficha di dato pa locual ta e maestronan, pa asina evalua si en berdad tur e maestronan cu nan ta pagando aworaki, di un of otro manera, ta den nan scolnan. “Tin biaha ta sosode algo na scolnan, anto un maestronan ta wordo poni un banda, anto despues niun hende ta ‘take care’ mas di dje,” e mandatario a indica. P’esey aworaki nan ta bezig pasando door di tur e fichanan di dato, pa ‘tur hende ta optimalmente inclui den nos sistema di enseñansa. Pero spaar, mi no ta kere cu nos por spaar riba nan,’ el a laga sa.
