Minister di Turismo, Salubridad Publico y Deporte, Dangui Oduber a anuncia cu gobierno tin un fecha tentativo entre 15 di juni y 1 di juli pa habri nos frontera bek. Entre e fechanan aki nos terminal aereo lo cuminsa haya algun vuelo comercial. Pero pa loke ta trata no terminal di crucero no tin niun indicacion ainda, ki dia lo por habri bek.
E mandatario a bisa cu ya caba e companianan di crucero ta bezig cu diferente protocol. Igualmente Aruba Port Authority (APA) tin un protocol cla. Sinembargo Oduber ta premira cu e apertura di nos terminal maritimo pa barconan crucero lo tuma mucho mas tempo cu esun di trafico aereo.
Sinembargo tin un indicacion cu e industria di turismo crucero lo reactiva entre e lunanan di september y october. Pero te ainda no tin un ‘fecha ni tentativo, corda uno definitivo,’ asina el a contesta na Bon Dia Aruba.
