Minister Chris Romero caminda nos plata nacional di television Tele Aruba ta resorta den su ministerio a bisa cu e no tin niun influencia riba directora di Tele Noticia, Lelicia Tromp su suspension for di trabao.
Contestando pregunta di Bon Dia Aruba, e mandatario ta haya cu esaki mester wordo formula directamente na e director mes di Tele Aruba. E mandatario a reacciona bisando cu su persona no ta mete den un NV zomaar. Segun informacion divulga, directora di TeleNoticia a wordo manda cas cu vakantie obliga.
El a splica cu e planta di television aki ta un NV cu ta cay bou paraplu Setar NV, cu ta e compania mama, ta nan tin un maneho. “P’esey good government y corporate governance. No ta zomaar un mandatario ta bay mete,” el a bisa.
Den e caso aki, e ta haya cu ta e director concerni si ta suspension of otro decision a wordo tuma den e caso aki riba directora di Tele Noticia. Lelicia Tromp kende pa un temporada ta bin fungiendo como directora di Tele Aruba ta ruman muhe di ex minister Marisol Lopez-Tromp kende recientemente conseho di minister a dicidi di retir’e for di su funcion.
