(TheDailyHerald) – Turismo cultural y creativo, y con Sint Maarten por beneficia di adapta na e tendencia creciente aki, tabata temanan discuti durnate un presentacion di evento SMILE.
Siil ta un ex-Secretario di Estado pa Arte di Estonia, presidente di Grupo di Experto di Union Europeo riba sectornan cultural y creativo, y fundador y director di Creativity Lab, un think-tank y consultancy lider den politica cultural y industria creativo.
El a bisa cu turismo cultural a bira mas y mas importante segun e data. “Na UE, alrededor di 40 porciento di turista ta cultural, cu ta bisa cu nan motibo principal pa biaha ta e experiencia cultural.”
El a destaca cu e data tambe ta mustra cu e turistanan aki ta keda mas largo y gasta mas, dependiendo di e region, algun estudio ta bia cu 22-38 porciento mas largo. Turismo cultural dentro di turismo ta un di e sub-seccionnan cu crecemento mas rapido den e industria, y cune, turismo creativo. “E hendenan aki kier experiencianan diferente y pa socialisa cu hende y comunidadnan local, y nan no kier djis para na banda.”
El a bisa cu e dos ‘take-aways’ di biahe mas impactante y cu mas probablemente ta bay comparti ta e miho experiencianan y esnan mas decepcionante, y pa e di dos, e ultimo memoria ta loke ta retene. Experiencia tambe ta laga impacto riba sentidonan.
Cu cambio climatico afectando mundo henter, el a bisa, enfoke riba modelonan comercial sostenible y responsable ta bira mas importante, y turismo masivo ta birando menos un solucion a largo plaso. “Esaki ta e motibo cu turismo cultural a bira asina atractivo. E no kiermen cu nos mester mas di e turistanan aki; ta nifica cu nos por mester menos pasobra nan ta mas rico, ta participa y involucra mas.”
