Ayera atardi, e politico y ex-minister Candelario ‘Booshi’ Wever a publica un potret riba Facebook na unda el a sigura cu e mes a saca e potret di desperdicionan medico cu a ser benta riba dump di Parkietenbos.
Den esaki, el a sigura cu e tipo di desperdicio aki mester wordo kima den incinerador pero ta parce cu esey no a tuma luga of segun su mesun palabranan “incinerator cu a cumpra no ta sirbi”.
“Esaki ta e desperdicio mas facil pa kima den e incinerator. Of e “porkeria” cu O.O cu sosten di EWC via corupcion a cumpra no ta sirbi!!!?? Ainda awe e minister Ursell Arends por sigui bisa cu ta algo super bon e incinerator aki ta?” Wever a skirbi den su publicacion.
Ta bon si e minister encarga cu naturalesa por duna un splicacion tocante e potret aki igualmente e instancianan concerni manera DOW y DNM pa haya sa dicon desperdicio medico (medical waste) aki ta ser benta riba dump pa despues lo wordo kima den un area habri unda cu ta trece mas contaminacion ainda di lo cual ta existi den areanan di e dump aki.
