Polis na Colombia ta bisa cu e cantidad di persona cu ta wordo secuestra den e pais a baha cu 92% desde aña 2000. Fernando Murillo di departamento di preveni secuestro ta bisa cu 188 hende a wordo secuestra den 2016. Pa hopi tempo caba Colombia ta wordo conoci manera e ‘hotspot’ di secuestro na mundo, cu gruponan di derechonan humano estimando cu 33.000 persona a wordo secuestra desde 1970.
Aprobacion di amnestia
E trato di pas cu Colombia a firma recientemente a causa un cambio historico segun autoridadnan.
Gen Murillo ta bisa cu FARC no a secuestra ningun hende den 2016. FARC a caba di firma un trato cu gobierno Colombiano pa termina un conflicto di 52 aña. Recientemente congreso Colombiano a aproba un ley pa duna amnestia na algun di esunnan acusa di comete crimen menor. Presidente Juan Manuel Santos ta bisa cu esaki ta e prome paso pa e consolidacion di pas. E amnestia ta parti di un trato revisa cu a wordo implementa despues cu e pacto original cu FARC a wordo rechasa den voto popular.
E conflicto a mata mas cu 260,000 persona y miyones a disparce.
