(CuraçaoChronicle) – Master licenciado Cyberluck kier stop un proximo publicacion y transmision tocante sector di wega di placa na Corsou door di Groene Amsterdammer y VPRO-Human. Un demanda a keda entrega durante weekend. Maske Cyberluck no a mira e publicacion ainda, ta kere cu ta reportahe incorecto.
Hunto cu programa VPRO Argos, e fundacion Investico ta investigando abusonan dentro di sector di wega di placa na Corsou. Nan a acerca Cyberluck den contexto di procedemento contradictorio cu varios pregunta tocante e rol di Cyberluck na e isla.
Investico a publica riba su propio website y den e revista semanal De Groene Amsterdammer. E programa di VPRO, Argos ta dedica un of mas transmision na e tema. Ainda no ta conoci na ki momento e publicacionnan ta bay bira publico, of pa ki tempo tin planea e transmision.
Cyberluck tin miedo a base di e preguntanan presenta cu e partidonan aki ta bay argumenta contra berdad of aludi na e hecho cu e compania di wega di placa kier silencia un critico bon conoci y su abogado door di constantemente entrega demandanan contra nan pa litiga nan.
Ademas, como un master licenciado, e compania di gambling no kier ricibi critica pa su supuesto practicanan ilegal di otorga asina-yama sub-licencianan na alrededor di 1,800 website di wega di placa cu, pa motibo di e construccion aki, ta evadi e supervision di gobierno Curasoleño y alabes no semper ta confiable na momento di paga e hungadornan, apart di e hecho cu den cantidad di caso nan ta enfoca riba Hulanda sin e permisonan necesario.
Gobierno Curasoleño pa largo a bisa cu e situacion aki no ta deseable, pero ta haciendo tiki contra esaki. Cyberluck kier pa Groene Amsterdammer y VPRO-Human no trece e asunto dilanti cu Investico den su programa y publicacionnan, riba castigo di hasta 250mil euro y rectificacion.
