Durante e “werkconferentie”relaciona cu e Studiesuccess
Fin di September Universidad di Aruba a organisa e “werkconferentie” relaciona cu Studiesuccess. Durante 4 Landenoverleg cu a tuma lugar den luna di maart na Hulanda entre Ministernan di Enseñansa di Hulanda, Aruba, Corsou y St. Maarten a toca e tema di Stuciesuccess.
Aruba na e momentonan ey a scoge y pone su mes disponibel como anfitrion di e conferencia riba e topico aki na final di september 2022. Universidad di Aruba a traves di entre otro Prof. Rector Viola Heutger y comision tabata encarga pa organisa y trek e proyecto aki. Sigur Nicole Spellen y Ron Borhmans a hunga un rol importante den esaki, segun un comunicado di gobierno.
Den cuadro di e werkconferentie aki tabata di bishita na Aruba delegacionnan di St Maarten, Corsow, Saba, St Eustatius, Bonaire y klaro Aruba. Hulanda tambe tabat’ey cu un delegacion entre otro Hogeschool Rotterdam y Hogeschool Amsterdam, tambe cu representantenan di Ministerio di Onderwijs di Hulanda, entre otro Secretario General di Enseñansa di Hulanda drs. Marjan Hammersma.
Minister di Enseñansa y Deporte di Aruba a reuni separa na su Bureau cu Marjan Hammersma kende tabata den compania di Aldrik in’t Hout. Por en general un bon reunion. Minister di Enseñansa a ricibi varios pregunta tocante Doorlichting rapport y por a splica amplio e plan van aanpak cu Bureau di Enseñansa ta bezig cune tocante esaki. Alabes Minister a intercambia idea cu e Secretario General di Enseñansa di Hulanda y a splica den detaye e retonan cu Aruba ta confrontando.
Algo cu Minister a splica hopi cla, segun e comunicado, ta e postura di CAft tocante presupuesto en general cual ta frena tur desaroyo den enseñansa. “A splica e Secretario General cu gobierno di Aruba a traves di un maneho diligente di Minister Presidente Evelyn Wever Croes y Minister di Finanzas Xiomara Maduro a logra baha e deficit causa pa Covid 19 di 1028 miyon di aña (2020) pa 25 miyon pa cu aña (2023), pero esaki sinembargo no ta bon suficiente den wowo di CAFT, unda CAFT ta keda exigi pa corta miyones entreotro den enseñansa cu menasa di aanwijzing.”
Minister di Enseñansa ta opone fuerte e consehonan aki di CAft comokiera CAft ta basando su mes hasta riba calculacionnan robes, segun e comunicado. Pero por lo demas Aruba ta haciendo su maximo esfuerso pa cumpli cu varios recomendacionnan di e doorlichting tussenrapportage y ta haciendo avancenan grandi cu tiki fondo. Hammersma na final a entrega Minister Endy Croes como obsekio 2 buki masha interesante esta Antilliaanse erfgoed volume 1 Toen en Nu y volume 2 esta Nu en verder cu masha hopi informacion. Minister a keda masha agradecido cu e detaye aki. “All by all un tremendo reunion unda por a bay den basta detaye y asina Hulanda por tin poco mas bista “in depth” di trabaonan duro cu Aruba ta eherciendo riba dicho tereno. “
