(NLTimes)—E secretario di estado Maarten van Ooijen (Salud Publico) ta preocupa di e reduccion den grado di vacunacion entre mucha. No solamente na Zeeland pero “den henter Hulanda por mira esaki,” segun van Ooijen durante reunion semanal di e Conseho di Ministernan. “Desafortunadamente, esaki ta un trend. Mester haci mas pa aumenta e grado di vacunacion.” Segun van Ooijen, “Awo nos ta riba porcentahenan hopi riesgoso.”
GGD Zeeland ta preocupa tocante e grado di vacunacion abao den e provincia, segun Omroep Zeeland a reporta diabierna. En averahe, esaki ta menos cu 75%, y den algun municipio na Zeeland menos ainda cu 70%. RIVM tin e meta pa vacuna 90% di mucha cu su programa nacional pa vacunacion.
GGD Zeeland y e muncipionan mester mira kico nan por haci pa persuadi hende pa vacuna nan yiunan, segun van Ooijen. E no tin ningun plan pa haci algo specificamente pa Zeeland for di su Ministerio. “Tin otro areanan cu ta preocupa mi, manera e partinan Caribense di Hulanda,” el a bisa.
Segun van Ooijen, tin un “trend hopi malo na Hulanda cu di berdad nos mester sa algo di dje.” Tin un acercamento pa esaki, pero e mester ser fortalesa den e proximo añanan, manera e Secretario di Estado demisionario a bisa. E ta pensando di ofrece vacunacion den mas sitionan accesibel den bario, manera centronan di comunidad of busnan, en bes di solamente GGD. Si ta ofrece vacunacion den mas luga, tin mas chens cu hende ta realisa cu opcionnan pa vacuna ta disponibel, van Ooijen ta argumenta.
Desinformacion tocante vacunacion ta e motibo principal pakico hende no ta hayando vacuna, segun el a splica. Esaki a aumenta debi na e añanan di coronavirus y ta dificil pa aborda e pensamento aki, manera el a bisa.
