(NLTimes) – Secretario di Estado Alexandra van Huffelen ta “extremadamente contento” cu e acuerdo Europeo tocante inteligencia artificial (AI).
Van Huffelen a expresa esaki den un respuesta inicial tocante e acuerdo provisional entre e paisnan den Union Europeo y e Parlamento Europeo pa cu reglanan di AI. “Sinembargo, esaki no ta los nos for di e obligacion di sigui examina e oportunidadnan y riesgonan di usa tecnologia AI y pa implementa e reglanan,” Van Huffelen a continua.
E Secretario di Estado a enfatisa e importancia di un sistema di AI safe pa Europeonan. Riba X, el a publica cu “tur Europeo mester por confia cu e sistemanan di AI ta safe y no ta discrimina.” E comisario di Union Europeo Thierry Breton a reporta alrededor di marduga cu diabierna a yega un acuerdo pa un ley nobo Europeo pa cu AI despues di dianan di negociacion. Entre otro, e ley aki ta clasifica aplicacionnan di AI segun su riesgo. Es decir, mientras mas peliger e aplicacion ta posee, mas estricto e regulacionnan. Mientras mas peligroso e aplicacion, manera sistemanan pa monitor ciudadano cu ta premia of castiga ciudadanonan pa nan comportamento, lo keda prohibi. E mesun reglanan aki ta aplica na tecnologianan cu ta diseña pa manipula hende su comportamento y detecta nan estado di animo y sentimentonan, por ehempel na trabao of den scolnan. E coleccion di imagennan y caranan pa crea un base di dato di reconocimento tambe lo ser considera ‘taboo’.
E acuerdo te ainda mester keda entrega na e Parlamento di Union Europeo y estadonan miembro di e union, sinembargo esaki ta usualmente un formalidad. Breton a papia di un ‘momento historico.’
“Lidia cu AI ta tocante haya e balans corecto entre explota e oportunidadnan y atende e preocupacionnan,” e Secretario di Estado a expresa. “Tin varios sector den cual Hulanda ta fuerte y den cual AI lo hunga un rol grandi. Pensa riba agricultura, educacion, cuido di salud, pas y siguridad. Hulanda ta trahando na nivel internacional pa sigura cu nos por confia e tecnologia aki. Por ehempel, pa preveni discriminacion den e uso di AI pa otorga certificado of transparencia di algoritmo den sector financiero.
Segun e comisario, e Union Europeo no solamente ta bahando e velocidad di tecnologianan di revolucion sino tambe ta encurasha companianan Europeo y investigadornan hoben. E dos miembronan di Union Europeo mas poderoso incluyendo Alemania y Francia recientemente a adverti cu reglanan demasiado estricto por mata innovacion. Union Europeo eora lo por perde e boto y di mesun manera cu otro revolucionnan digital lo keda atras compara cu Merca y China.
Aplicacionnan usa ampliamente manera ChatGPT mester revela con nan ta funciona. Nan mester presta atencion na e ‘copyright’ di e texto y otro data cu nan ta usa pa “siña.” Desaroyadornan di e modelonan mas poderoso mester tambe test con nan ta comporta ora cu usuarionan cu mal intnecion purba manipula nan y mester reporta e incidentenan. E negociadornan a argumenta pa hopi tempo tocante inteligencia artificial den reconocimento facial, cual e parlamento Europeo kier a aboli, mientras cu Estadonan Miembro kier a permiti esaki si e tin propositonan di siguridad. Awo nan ta ricibi espacio pa esaki pero no sin condicionnan y restriccionnan.
E reglanan nobo tur lo por drenta den efecto na aña 2026 si nan keda oficialmente adopta proximo aña. E prohibicionnan lo drenta den efecto despues di 6 luna y e reglanan di transparencia un aña despues, entre otro. Violacion di e reglanan nobo aki lo por resulta den boetnan fuerte y pisa.
