Dutch State Secretary of Finance Alexandra van Huffelen speaks to the press at the ministry in The Hague, The Netherlands, on January 18, 2021, about the childcare benefits affair. - All debts that parents have due to the benefits affair with government agencies such as the Tax and Customs Administration and Benefits are canceled. Hundreds of parents found themselves in serious financial difficulty after the tax office began clawing back thousands of euros in benefits which they said had been wrongly paid in 2012. (Photo by Lex van LIESHOUT / ANP / AFP) / Netherlands OUT (Photo by LEX VAN LIESHOUT/ANP/AFP via Getty Images)

Diadomingo 26 di mei Secretario di Estado pa Relacionnan di Reino y Digitalisacion, Alexandra van Huffelen, ta saliendo pa un biahe den islanan di Caribe Hulandes y lo ta bishitando Aruba, Boneiro, Statia, Saba y Sint Maarten.

Segun e noticiero local, Noticia Cla, a indica Secretario di Estado van Huffelen ta cuminsa su bishita na Aruba dia 27 di mei. E bishita aki, cual probablemente ta su ultimo bishita di trabao pa e islanan, ta den cuadro di e Consulta di Gobernadornan na Aruba, ciere di un acuerdo administrativo na Boneiro y e apertura oficial di un proyecto di construccion di vivienda social na Saba.

E portal a indica cu riba agenda di e Secretario di Estado pa loke ta su bishita na Aruba, tin un combersacion cu miembronan di e comunidad LGBTQ+ di Aruba. Esaki ta bin durante e mesun siman cu Corte di Casacion na Den Haag mester duna su veredicto final den e caso di apertura di matrimonio pa pareha di mesun sexo na Aruba y Corsou.

Apart di e combersacion aki, na Aruba e Secretario di Estado ta bay participa na e consulta cu e tres gobernadornan di Aruba, Corsou y Sint Maarten. Esaki ta un consulta regular cu ta formalmente inclui den e Reglamento di Gobernadornan.

Durante su bishita na Aruba Secretario di Estado van Huffelen lo bishita Universidad di Aruba tambe unda e ta bay haya un recorido di e edificio di Maria Convent riba e campus di UA cual a recientemente a celebra su apertura oficial despues di un proceso di renobacion.

Manera ta conoci e renobacion di e edificio di Maria Convent tabata danki na un contribucion di mas di shete miyon di euro cu Aruba a ricibi for di e Union Europeo pa asina transforma e edificio historico aki den un edificio cu lo bira e cas pa studiantenan di e facultad di STEM di Universidad di Aruba.

Secretario di Estado tambe lo cera conoci cu e Procurador General nobo di Ministerio Publico di Aruba.

Pa e biahe aki pa e islanan den Caribe Hulandes Secretario di Estado no lo ta bishitando Corsou, cual e tabatin plan di haci den luna di juni, pero no ta sigur si ta bay logra pa motibo di e factor tempo y otro compromisonan pendiente.