Dutch State Secretary of Finance Alexandra van Huffelen speaks to the press at the ministry in The Hague, The Netherlands, on January 18, 2021, about the childcare benefits affair. - All debts that parents have due to the benefits affair with government agencies such as the Tax and Customs Administration and Benefits are canceled. Hundreds of parents found themselves in serious financial difficulty after the tax office began clawing back thousands of euros in benefits which they said had been wrongly paid in 2012. (Photo by Lex van LIESHOUT / ANP / AFP) / Netherlands OUT (Photo by LEX VAN LIESHOUT/ANP/AFP via Getty Images)

Den un carta data 25 di juni 2024, Secretario di Estado, Alexandra van Huffelen a informa Tweede Kamer tocante e elaboracion di instrumentonan adapta, inspira riba e Fondo di Crecemento Nacional pa e paisnan Aruba, Corsou y Sint Maarten y e teritorio publico Bonaire, Sint Eustatius y Saba.

Tocante e elaboracion di SDE++ pa e paisnan ACS, el a menciona cu ya caba e Minister di Clima y Energia Hulandes, Rob Jetten, a informa e Tweede Kamer den un carta separa y tocante e regulacion BMKB pa e paisnan ACS, Secretario di Estado Van Huffelen a indica cu lo informa Tweede Kamer na un otro momento.

Den e carta el a splica cu den e ultimo tempo nan a traha riba desaroyo di instrumentonan adapta pa Aruba, Corsou y Sint Maarten (ACS), como tambe pa Bonaire, Sint Eustatius y Saba (BES). El a indica cu esaki a resulta den e concepto di regulacion ‘Forsa capacidad di generacion sostenibel ACS y BES’. E concepto di regulacion aki tin e mesun obhetivo cu e Fondo di Crecemento Nacional, cu ta forsa e capacidad di generacion sostenibel, pero den e elaboracion y temanan e ta miho alinea cu e structura economico di e parti Caribense di Reino.

Van Huffelen ta sigui splica cu e regulacion aki ta referi tanto na e paisnan ACS como na e teritorio publico, cu den e criterionan usa nan a tene cuenta cu e diferencianan, entre otro den escala, entre e paisnan y e teritorio publico.

El a informa cu e concepto di regulacion lo drenta den consulta di internet den un termino cortico. El a agrega cu actualmente nan ta realisa tambe un exploracion di mercado. E exploracion aki tin como meta inventarisa posibel proyectonan cu por haci un solicitud di subsidio den e criterionan manera nan ta inclui den e concepto di regulacion. Ademas, e exploracion di mercado tambe tin como meta pa conseha tocante posibel adaptacion den e marco- y criterionan di e concepto di regulacion, dirigi riba seleccion di proyectonan cu por contribui maximalmente na e capacidad di generacion sostenibel.

Por ultimo e Secretario di Estado a informa Tweede Kamer cu e resultado di e exploracion di mercado lo wordo inclui cu e resultado di e consulta di internet pa di e manera ey nan por yega na un regulacion cu ta lo mas adapta posibel pa e islanan.