Secretario di Estado, Alexandra van Huffelen, lo ta realisando un bishita di trabao pa e islanan di Reino Hulandes, na Sint Maarten, Corsou y Bonaire. Aruba a keda afo di e bishita oficial aki.
E bishita ta cuminsa awe 30 di september te cu dia 5 di october. E prome isla cu e Secretario di Estado lo ta bishitando ta Sint Maarten, sigui pa Corsou y lo ta terminando su bishita na Bonaire.
Notablemente e biaha aki Secretario di Estado lo no ta bishitando Aruba. Esaki ta algo cu no ta inusual pasobra ya caba a sucede cu ta dicidi pa no bishita algun isla durante un bishita oficial, esaki ta dependiendo di e tema di e bishita.
Secretario di Estado no a haci ningun declaracion oficial ariba e motibo pakico e no lo ta bishitando Aruba, pero segun e portal Noticia Cla ta indica e motibo ta cu no tin nada concreto cu Aruba pa papia y p’esey no tin motibo pa un bishita na Aruba.
Manera ta conoci, e topico di RAft u refinanciamento di e debe di COVID-19 cu Hulanda a haya hopi atencion recientemente y te ainda Aruba y Hulanda no a yega na un acuerdo pa loke ta trata ambos topico.
E bishita pa e islanan di Caribe Hulandes ta dedica gran parti na e conmemoracion di e historia di sclavitud. Secretario di Estadivan Huffelen lo participa por empleo den un sesion di Cathuis na Sint Maarten cu representantenan di e seis islanan y e lo ta na Corsou pa e rehabilitacion di Tula.
Ademas e Secretario di Estado lo mantene discusionnan administrativo na Boneiro tocante e leynan cu ta regula e relacionnan administrativo y financiero entre e Reino Hulandes y e Caribe Hulandes.
