Secretario di Estado, Tamara van Ark (Asunto Social y Labor) lo realisa un bishita di trabou na Bonaire for di dia 1 te cu 5 di october proximo. Entre otro, e Secretario di Estado lo reuni cu partidonan participando den e Dialogo Central Bonaire.
Diaranson dia 2 di october, Van Ark lo reuni cu Gobernador riba isla di Bonaire, Edison Rijna, y lo papia cu e Conseho Ehecutivo y representantenan di empleadonan y doñonan di trabou, y cu Camara di Comercio.
Diahuebs dia 3 di october, Van Ark lo participa den discusion den e Dialogo Central Bonaire, e cuerpo consultativo local recien lansa, den cual e partidonan ya menciona lo participa. E Dialogo Central lo consulta riba topiconan cu ta contribui na un Bonaire cu ta socialmente, economicamente, y ecologicamente sostenibel, manera relacionnan laboral y reduccion di pobresa.
Diabierna dia 4 di october, e bishita di Van Ark lo enfoca riba e mercado laboral local y cuido di mucha. E lo bishita e proyecto Krusada hunto cu comisionado Nina den Heyer, unda hende ta traha bou supervision den un ambiente adapta y sigur. E mesun dia nan lo atende un presentacion tocante e job center cu lo establece na Bonaire, e ‘Plenchi di Trabou’. Y como parti di e programa Bes(t) 4 Kids, nan lo bishita e luga di cuido di mucha Hardin Tia Sus na Rincon. E meta di e programa multi- anual aki ta pa logra cuido di calidad halto y accesibel pa muchanan prome y despues cu scol den Caribe Hulandes.
E delegacion lo bolbe Hulanda Europeo diasabra dia 5 di october.
