(CuracaoChronicle) – Secretario di Estado Hulandes pa Salud, Bienestar y Deporte (VWS), Paul Blokhuis lo haci un bishita di trabao na Corsou y Bonaire cuminsando awe te cu dia 17 di juni proximo.
E maneho di crisis di coroanvirus, y bon cuido y bienestar den e parti Caribense di Reino durante y despues di e crisis ta e temanan mas importante di e bishita, y tin combersacionnan planea, segun Rijksdienst Caribisch Nederland (RCN) ta reporta.
E bishita ta cuminsa riba dia 12 di juni na Corsou. Aki Blokhuis lo bishita e Centro Medico Corsou y tene combersacion cu personal di ICU y epidemiologo Dr. Izzy Gerstenbluth y Iralice Jansen. RCN no ta bisa kico Blokhuis lo haci riba dia 13 di juni.
Riba dia 14 di juni e lo biaha na Bonaire. Aki e lo bishita hospital Fundashon Mariadal, Servicio di Salubridad Publico, un shelter di hende muhe, y un shelter pa hende di edad avansa, y tambe asistencia pa hende hoben.
“E apertura oficial di e facilidadnan social central di e grupo di Cuido y Bienestar lo ser ehecuta pa e Secretario di Estado. Blokhuis tambe lo pone e prome piedra pa e construccion y renobacion nobo di e proveedor di cuido pa persona cu discapacidad, FKPD”, RCN a informa.
Ademas, lo firma un carta di intencion (letter of intent) pa realisacion di Beach Park Bonaire cu Bonaire Government Buildings, Beach Tennis Bonaire, y Volleyball Association Bonaire.
