Scupi por mustra con severo un infeccion respiratorio por ta den mucha segun estudio Hulandes

(NLTimes) – Pa determina con severo un infeccion respiratorio den muchanan cu regularmente ta sufri di esaki ta, e ta miho pa examina nan scupi na luga di nan sanger.

Esaki ta e conclusion cu investigadornan di Radboudumc Nijmegen, UMC Utrecht y Wilhelmina Children’s Hospital, entre otro, despues di un estudio di centenares di mucha cu ta sufri di infeccionnan respiratorio frecuentemente. Segun nan, e medidanan di scupi ta provee un miho indicacion di e seriedad di e malesa compara cu e medidanan den sanger. Ademas, e tipo di medidanan aki ta hopi mas placentero pa e muchanan.

Segun e investigadornan, alrededor di 10 pa 15 porciento di tur mucha mester lidia cu infeccion den via respiratorio, hopi biaha causa pa un virus of bacteria. Si e muchanan caba na hospital cu esaki, e sanger ta ser saca pa busca anti curpanan y posibel condicionnan of causanan.

Sinembargo, segun e investigadornan, esaki rarabes ta duna resultado. Ta pa e motibo aki cu e hospitalnan ta busca alternativa.

E investigadornan no a haya ningun conexion entre e substancianan den sanger y e infeccion su seriedad den testnan di sanger. “Pero den scupi, nos a mira un gran cantidad amplio di anticurpa protectivo, cu ta traha contra varios pathogen,” candidato di PhD Mischa Koenen a splica. “Muchanan cu menos anticurpanan ta den pio situacion y ta haya infeccionnan mas serio. E substancianan aki, pa e motibo ki, ta un bon indicacion di e peso di e malesa.” Por ehempel, e muchanan cu tin tiki anticurpa protectivo den nan scupi ta haya pneumonia cu hopi mas frecuencia.

Tambe e investigadornan a descubri un bacteria particular riba e membraan mucoso di nasopharynx tambe ta relaciona na con severo e infeccion di respiracion ta. E muchanan cu tin hopi di e bacteria aki, cual tambe ta haya den vianan di respiracion saludabel, riba nan membraan mucoso ta hopi mas biaha malo den winter segun e conclusion di e investigadornan.

Koenen a bisa cu e estudio lo permiti pa un miho evaluacion pa e cuido y medicamento cu e muchanan cu infeccion respiratorio frecuente tin mester. “Tambe mi ta anticipa cu e prome test di sanger lo keda, sinembargo den citanan cu bini despues, un muestra hopi mas ‘child-friendly’ por ser usa pa indica e seriedad di e malesa,” e candidato di PhD a comenta.