Scolnan mester ta hopi mas alerta pa cu abuso sexual mirando cu mayoria caso reporta ta involucra docente of empleado di e scol

(NLTimes) – Scolnan mester ta hopi mas alerta na señalnan di abuso sexual, segun Education Inspectorate.

E cantidad di casonan di abuso sexual unda cu studiante y maestro ta involucra ta permanece halto, cual ta “hopi preocupante,” e agencia a conta AD.

Aunke scolnan tabata cera temporalmente pa causa di varios lockdown durante e aña academico pasa, e cantidad di reportahenan di abuso sexual ricibi tabata casi mesun halto cu e ultimo aña academico liber di coronavirus 2018/2019.

Aña academico pasa, e agencia a ricibi 50 reportahe, compara cu 59 den e aña 2018 pa 2019. 3 kwart di e reportahenan aki a ser manda na cuerpo policial.

Docentenan y empleadonan di scolnan cada biaha mas ta e adultonan abusando sexualmente di e studiantenan, e agencia a revela. Den aña 2018, mita di e reportahenan ricibi tabata tocante un empleado di e scol abusando sexualmente di un studiante. Aña academico pasa, esaki tabata e caso den casi 2 tercer parti di e reportahenan.

“Cada caso di abuso sexual ta un caso dimas,” un vocero di Education Inspectorate a expresa na e corant. “Un scol mester ta un espacio unda cu e studiante ta sinti su mes comfortabel y protegi.”