Ayera den oranan di atardi pa anochi a tuma luga e parada di luz escolar di Oranjestad. Tres scol di e districto di Oranjestad a uni y a organisa un parada di luz ariba cayanan di Aruba pa nan studiantenan.
Imelda Kleuterschool, Rosario College y St.Rosa College tabata e scolnan cu a participa den e bunita parada aki. Un parada yena cu luz, creatividad y hopi ambiente di carnaval durante cual e muchanan por a gosa y disfruta sanamente.
Hopi mayor y hende na banda para a sali pa demostra nan apoyo na e muchanan y alabes tabata disfruta tambe di e ambiente cu e banda di carnaval Youth Xtreme tabata brinda.
Ta bunita pa remarca cu St. Rosa College ta celebrando 160 aña di existencia e aña aki y di e forma aki, den ambiente di carnaval, nan a cuminsa e celebracion di gran aniversario aki.
Polis a habri caminda pa tur e studiante- y maestronan por a gosa sin problema ariba e cayanan di Oranjestad y mester remarfca cu EMS (Event Medical Services) tambe tabata presenta durante e parada.
