Den un anexo di e carta cu e cabesantenan a manda pa Promer Ministro (den articulo separa den e edicion aki), e firmantenan a duna e siguiente cambionan proponi pa ministro encarga cu enseñansa.

  • Comm. Pieter Boer school: lo bay hunto cu Graaf von Zinzendorf school y lo cay bao di SPCOA;
  • Fontein Kleuterschool: lo bay hunto cu Colegio Hilario Angela, y como scol Montessori lo cay bao di Stichting ‘Nos Fortalesa’;
  • Reina Beatrix School: ta muda pa edificio di Paso Pa Futuro, cu ta muda cu grupo 1 – 5 pa edificio di RBS na Sero Blanco pa despues di un aña, pa aña escolar 2021 – 2022 bay fusiona cu Emmaschool y anto muda pa edificio di Emmaschool;
  • E demas scolnan basico publico lo keda existi y lo cay bao di Directie Onderwijs;
  • PRISMA cu actualmente ta ser duna na SBW y ta cay bao di DPS, ta bay bao di SOZA of Stichting Adventscholen;
  • Dornasol – kleuterklas ta bay cera;
  • Ceque Mavo y Juliana Mavo lo bay cay bao di SKOA;
  • Abraham de Veerschool ta bay hunto cu John Wesley Mavo y ta bay cay bao di SPCOA;
  • IPA ta bira parti di Universidad di Aruba;
  • EPI ta bay cay bao di SEPB;
  • Prins Bernard school ta bay cay bao e mesun stichting cu e Adventscholen, of ta bira un ‘K12 school’;
  • Ta kita trahadornan social di DPS y ta manda nan Asunto Social;
  • Colegio San Nicolas, dependance Oranjestad ta bay cera;
  • Colegio San Nicolas ta haya pa 2020-2021 un interim-management di Stichting Onderwijs Combina (Schakelcollege) y un persona di buro di ministro. Desde aña 2021-2022 Colegio San Nicolas lo cay bao di Stichting Onderwijs Combina.