Scolnan publico tabata cera ayera, pa autoridadnan busca un mucha muhe di Florida cu a bay ciudad di Denver pa cumpra un arma di candela, despues cu el a wordo influencia pa e tiramento na scol secundario Columbine na 1999.
FBI a bisa cu Sol Pais, di 18 aña di edad, ta considera extremadamente peligroso, y a menasa pa comete acto di violencia na e area metropolitano di Denver, dia prome cu e 20 aniversario di e tiramento na 1999, den cual 13 hende a perde nan bida.
E eleva siguridad na tur scol publico pa motibo di menasa ta mustra creibel y general, asina Patricia Billinger, vocero di Departamento Di Siguridad Publico di Colorado. Columbine y mas di 20 otro scol a lock nan porta pa 3 ora riba diamars, pero diaranson a cera completo.
E scolnan publico a bisa cu henter e facilidad y programa di a wordo cera riba diaranson, y no lo tin actividad pa atardi, of competencia di atletismo. E districto a bisa cu e decision pa cera tur campus tabata den colaboracion cu Denver Metro Area, pa motibo di preocupacion di siguridad tumando luga.
“Nos semper ta consciente pa casonan di aniversario, manera esaki”, Billinger a bisa. Autoridad a bisa cu ultimo nan a wak Sol Pais tabata cerca di Columbine, e tabata tin bisti un shirt preto, carson y boots preto. E ta peligroso pa otro civil acerca na dje. E alerta tambe a bisa cu cualkier polis cu tin contact cune, mester detene y evalua su salud mental.
