(AP) – Administradornan di scol na Wisconsin a para un klas di presenta un version di Miley y Dolly su dueto promoviendo aceptacion di e comunidad LGBTQ pa motibo cu e cantica “por ser mira como controversial.”
Studiantenan na Heyer Elementary School na Waukesha a prepara un version di “Rainbowland” pa nan concierto binidero, sinembargo oficialnan di e scol a retira e cantica for di e lista siman pasa. Mayornan di e districto a bisa cu a tuma e decision aki pa motibo cu e cantica ta encurasha aceptacion di LGBTQ y ta haci referencia na regenboog (simbolo di e comunidad LGBTQ).
James Sebert, oficial di e scol, a confirma na Fox6 cu admnistradornan a kita e cantica “Rainbowland” for di e concierto pa motibo cu esaki “no ta apropia pa e edad y nivel di madurez di e studiantenan.” Tambe el a cita un politica di e hunta di e scol contra trece dilanti cierto topiconan controversial den klas.
Sebert anteriormente a prohibi pone regenboog of banderanan den sosten di e comunidad LGBTQ den klasnan di Waukesha y a suspende e trabao di e districto escolar tocante e topiconan aki den 2021. “Ban mira den nos profundidad, laga atras e miedo y ban stop di huzga,” e cantica di Cyrus su album “Younger Now” ta bisa. E klas su concierto tabatin e tema di “The World” (e mundo) y a inclui otro canticanan manera “Here Comes The Sun” di The Beatles y “What a Wonderful World,” di Louis Armstrong. “Mi studiantenan a keda desapunta. Nan tabata gusta e cantica hopi y hopi di nan tabata hasta sa e cantica caba.”
Administradornan di e scol inicialmente tambe a prihibi e cantica “Rainbow Connection” di The Muppets sinembargo despues a retira e decision aki segun loke Tempel a bisa dialuna.
Mayornan a keda disgusta cu e hecho cu a kita e cantica aki. Sinembargo tabatin mas preocupacion pa loke ta trata kico e prohibicion aki y otro politicanan di e districto den contra di expresecionnan pro LGBTQ ta nifica pa e studiantenan. “E mensahenan confuso aki tocante regenboog ta creando un cultura cu ta aparentemente no ta safe pa personanan di e comunidad aki,” Tempel a comenta.
