Alcalde di Amsterdam a bisa cu lo stop di duna subsidionan extra na scolnan cu ta puntra mayornan pa mas di €225 den contribucionnan boluntario pa aña.
E contribucionnan ta ser utilisa pa e scolnan pa asina financia extra manera lesnan di muziek of pa supervision ora di come, esaki ta un obstaculo pa e famianan mas pober y ta aumenta e desigualdad den e oportunidadnan educativo, esaki e consehal di educacion Marjolein Moorman a bisa e conseheronan.
“Amsterdam ta un ciudad na unda tur mucha mester haya e mesun oportunidad y ningun mayor no mester desanima pa e contribucionnan halto”, el a bisa. E limite superior lo ser reduci un bes mas na € 112, esaki ta e promedio di e ciudad den aña academico 2021-2022. Algun scol di e ciudad ta pidi mayornan hasta 700 euro pa aña na fondonan adicional, esaki ta segun e emisora local AT5.
Scolnan ta financia den gran medida pa e gobierno central, pero e autoridadnan local ta proporciona placa adicional cucu ta ser utilisa pa asina paga e ayudo di enseñansa specialisa pa personal cultural y di gym y tambe extra personal di apoyo.
