Si nos tuma un momento pa pensa den un perspectivo y mas amplio, nos por nota cu e trajectura di Humanidad ta uno remarkabel mes. Nos a origina riba Savannah na Africa, cu hermentnan di palo y piedra, pa e humano den Siglo 21, cu medionan di communication mane internet, avansenan den Medicina, Energia, Agricultura.

Aunke tin hopi problemanan real ainda den nos isla di Aruba y den mundo henter. Nos por bisa si cu den un perspectiva di largo plazo cu Humanidad a progressa den maneranan profundo.

Esaki debi na nos intelligencia individual combina cu nos abilidad pa traha hunto. E limite den progresso di nos sociedad semper tawata uno obvio, e intelligencia humano. Awo nos a yega un periode unda e hermentnan mas sofistica basa riba hardware di computer por no solamente assisti academiconan rond mundo pero te asta automatisa partinan grandi di e “Methodo Scientifico” y te asta bin cu discoveries completamento nobo. Awe nos lo toca e topico di AI den Sciencia.

Big Data: E Limitenan di e ser Humano

Ni maske con relativamente sabi un persona of te asta un sociedad por ta nos mester nota cu nos capicidadnan natural tin nan limitenan tambe. Unda esaki ta mas obvio ta e rambo academico yama “Big Data”. Por ehempel nos tin imagenan di Espacio cu ta asina masivo of un imagen medico asina detaya cu eta simplemente impossibel pa un ser humano su so capta esaki den forma completo. Awo imagina e data aki update live 24/7 y 365 dia pa anja, esaki ta datasets yama “Big”. Awo cu ayudo di Intelligencia Artificial nos por saka conclushionnan y perspectivonan di e setnan aki di data. Pa asina assisti academiconan den un manera cu antes simplemente no tawata possibel.

Pero e Revolution no ta stop akinan. Awo nos lo toca e topico di “Science on AutoPilot”.

Science on AutoPilot

Advansanan Scientifico hopi bez ta costa anjanan si no ta decadanan y ta bin cu costonan halto den biyones. Awo den e laboratorionan mas advansa na mundo usando differente systemanan di AI combina cu Robotics full e processo scientifico ta automatisa. Nos lo tuma 2 ehempel literal cu ta den exsistencia caba. Esta “InSilico Medicine” y “A-Lab”.

Malesa y e sufrimento humano cu esaki ta causa ta un di e challenges mas grandi pa Humanidad resolve. Antes e processo pa discubri medicina nobo ta dura mas cu 7 anja y ta literalmente costa biyones. Awo un compania yama “InSilico Medicine” a automatisa full e rambo di “Drug Discovery” y ta usando su laboratorio full automatisa pa bin cu curonan nobo pa e malesanan cu nos sociedad kier cura, na un velocidad di menos cu 2 anja y mas cu 95% mas barata. Nos ta spera cu laboratorianan asina por trece e curonan cu nos tur lo kier como humanidad.

Awo e otro ehempel di un laboratoria full automatisa ta “A-Lab”. Den un pensamento mas basico non-spiritual full nos civilization ta basa riba material fysieko. Nos sa for di e leynan di fysica cu nos ta hopi lew mes di limitenan cu nos por yega den por ehempel efficiencia di panel solar of nos abilidad pa produci cosnan material mas economico cu ta possibel.

E rambo academico aki yama “Material Science”, awo na A-Lab na University of Berkeley tin AI y Robotics trahando 24 ora pa dia 7 dia pa siman riba advansa nos abilidad practico pa produci y usa materialnan advansa. Esaki por traduci su mes den ventahenan profundo pa nos sociedad riba plazo largo.

Nos ta na cumisamento di un revolution berdadero den areanan scientifico cu lo traduci su mes den un calidad di bida mas halto pa full Humanidad. Obviamente un articulo chikito no por duna husticia na un topico asina amplio y berdaderamente bunita. Pero nos ta den e speransa grandi di tur e discubrimientonan cu nos lo wak den e anjanan binidiero danki na Intelligencia Artificial