(NLTimes) – E schoolgeld pa studia na universidadnan Hulandes of universidadnan di ciencia aplica ta aumentando den e aña academico aki.

Na mesun tempo, studiantenan na Hulanda lo ricibi subsidio mas abao mirando cu e aumento temporario a causa di inflacion ta ser retira y vivienda ta sigui bira mas caro.

Segun estudio di STudy in NL, un portal di informacion pa studiantenan, e schoolgeld anual pa universidadnan lo bira 2,530 euro pa e aña academico di 2024/25, alrededor di 200 euro mas caro. Schoolgeld pa universidadnan di ciencia aplica lo aumenta cu 60 euro te 1,419 euro.

E tarifanan aki lo aplica na studiantenan Hulandes y studiantenan di otro paisnan den EU y EEA. E tratadonan di EU y EEA ta inclui cu studiantenan den estadonan miembro tur ta ricibi e mesun trato.

Institucionnan di educacion halto lo dicidi pa nan mes con hopi schoolgeld nan lo cobra na studiantenan internacional di otro paisnan. Segun Study in NL, e tarifa averahe cu ta cobra ta entre 9,000 pa 20,000 euro y entre 12,000 pa 30,000 euro pa programanan di Master’s.

Un tarifa halto di schoolgeld no ta e unico obstaculo financiero cu e studiantenan ta enfrentando e aña academico binidero. Esnan eligibel pa e subsidio basico nobo lo mira e canta baha cu 164.30 euro, un aumento temporario cu a duna na studiantenan bibando leu for di cas pa cubri aña pasa su inflacion halto.

E escasez di vivienda andando na Hulanda tambe ta nofoca cu huur lo sigui aumenta. 3 ciudad Hulandes a logra drenta e ranking Top 5 di HousingAnywhere su ranking di ciudadnan Europeo mas caro pa huur den dje. Huur pa cambernan di studiante na Amsterdam ta rapidamente yegando 1,000 euro pa luna.

Si e gabinete di Schoof I implementa e plannan di PVV, VVD,NSC y BBB su acuerdo den e coalicion, bida lo bira aun mas caro pa studiantenan na Hulanda, specialmente esnan internacional.

Menos studiante internacional ta “un prioridad top pa e Minister di Educacion nobo” y e plan pa logra esaki ta tarifanan halto y duna studiantenan internacional menos acceso na subsidio y financiamento di studiante. E gobierno nobo tambe kier duna studiantenan cu tuma hopi tempo pa caba nan estudio un boet.