Generalmente riba diabierna atardi e muchanan di Club Oansa Piedra Plat tin nan actividad na FCFPP. Sinembargo, diabierna 1 di december ultimo tawatin un actividad diferente. E atardi ey e muchanan di bario hunto cu esnan di Oansa a bishita 30 adulto mayor di bario Piedra Plat y vecindario. E muchanan a keda reparti den grupo chikito cu 2 lider.
Na cada cas a entrega un caha di sapato bunita decora y aden regalitos pa uso personal. Tur hende a keda contento cu e bishita, specialmente e personanan cu no ta move hopi mas pafor di nan cas tawata hopi emociona cu cantamento, abraso y regalitonan. E muchanan tawata contento di por a comparti un rato alegre cu nos grandinan.
E accion di caha di sapato ta un iniciativa di Fundacion Centro Famia Piedra Plat den cooperacion cu e mayornan di e muchanan / CEDE Aruba / ‘’BARIONAN UNICO’’
