(NL Times)— Schiphol lo kita limitacion pa aerolineanan cu ta limita e cantidad di pasaheronan cu ta saliendo di e pais. E decision aki a yega net prome cu e temporada di mei vakantie.
E aeropuerto a forsa aerolineanan pa reduci e capacidad di nan pasaheronan door di combina of cancela vuelo, of cambia vuelonan pa otro aeropuerto. E medidanan aki a tuma luga aña pasa, despues cu e deficit den personal di seguridad a causa liñanan enorme na e aeropuerto di Amsterdam, cual ta e di dos aeropuerto mas grandi di Europa a base di cantidad di pasahero. E liñanan largo a causa miles di pasahero di perde nan vuelo, y a causa tambe e CEO, Dick Benschop, di renuncia su posicion.
Su reemplaso, Ruud Sontag, a declara diaranson cu inscripcion di personal di seguridad a bay bon, y operacion na e aeropuerto lo bira normal prome cu temporada di mei vakantie. E limitacion di pasahero saliendo lo caba dia 26 di maart.
“Pero tur partido envolvi lo mester duna mas esfuerso den momentonan cu ta hopi druk, specialmente mainta, pa por preveni liñanan largo y retraso den e proceso,” e aeropuerto a taha den un declaracion.
E aeropuerto ainda ta purbando di emplea mas personal di seguridad, un iniciativa cu ta parti di un compaña cu a cuminsa na november 2022. E meta ta pa emplea 850 autoridadnan di seguridad, y Schiphol ta na mita caminda caba cu esaki. Ora personal di seguridad nobo wordo inscribi, nan no por cuminsa traha mesora pasobra e proceso ta rekeri investigacion di e personal y training, locual sa dura largo.
E aeropuerto ainda tin algun preocupacion locual ta encera e bentana di 6or pa 11or di mainta riba dianan mas druk, specialmente na fin di maart. Nan ta trahando cu aerolineanan, maleteronan y otro partido, manera e Marechaussee, “pa organisa momentonan druk den un manera cu no ta laga liña di espera largo.”
Schiphol ta spera cu acuerdo boluntario por permiti pa mas pasahero ta parti den diferente orario. E pio cu por pasa ta pa Schiphol implementa limitacionnan atrobe. E aeropuerto tambe a cuminsa cu corta cantidad di vuelonan, locual por yuda e situacion.
Si tur cos bay bon, e fin di limitacionnan lo cuminsa un luna prome cu e temporada di mei vakantie riba 29 di april: “Mas biahe por ta posibel den e temporada di mei vakantie. E decision di capacidad pa e temporada ey lo wordo treci den discusion entre partner na e aeropuerto,” Schiphol a bisa.
Un deficit di empleadonan di seguridad y maleteronan a causa caos na Schiphol den e ultimo temporada di berano. Pasaheronan ta keda hopi ora den liña dilanti chekeo di seguridad, y miles di maleta ta yega nan destinacion despues di nan doño. E deficit den maletero a causa cu e cantidad di maletanan perdi ta keda crece.
Den un esfuerso pa mantene e druk, Schiphol a limita e cantidad di pasaheronan cu ta sali for di aeropuerto varios biaha. E aeropuerto a implementa nan prome limitacion na juli, bisando cu esaki lo keda solamente durante e temporada di zomer vakantie, pero liñanan largo a keda plaga e aeropuerto. Esaki a forsa Schiphol pa keda limita e cantidad di pasaheronan te maart 2023.
