(NLtimes) – Schiphol pronto lo cuminsa “renoba y innova” su area di warda maletanan pa asina haci e trabao hopi mas facil pa e empleadonan encarga, e aeropuerto a anuncia diabierna.
E anuncio aki a bini den e mesun siman cu NOS y Nieuwsuur a revela cu e inspectorado di labor no a interveni na Schiphol su area di warda maleta den 12 aña, apesar di varios keho cu e trabao ta lagando e empleadonan cu problemanan fisico. “Schiphol ta trahando riba mehora e calidad di trabao na aeropuerto,” e aeropuerto a splica diabierna. “Automatisacion innovativo y inteligencia artificial su solucionnan lo provee mas sosten na e empleadonan aki den futuro.”
E aeropuerto a menciona cu lo actualisa e robotnan actual den e area, mashinnan di produccion pa baha e maletanan y desaroya vehiculonan autonomo pa move e containernan y otro paketenan pisa den e area aki.
E aeropuerto tin mas o menos 145,000 meter cuadra di sistema pa maletanan of paketenan dividi den varios area. “Varios di e areanan aki lo tin mester di renobacion durante e añanan binidero.” Pa garantisa e continuidad operacional, e prome paso ta construi un area nobo pa asina por pasa un poco di e trabao na e area aki mientras cu otronan ta cera pa causa di renobacionnan.
