Conseho di Minister ta convenci cu e protocolnan di salubridad publico acorda, implementa pa e Fundacion di Desaroyo di Carnaval St. Maarten (SCDF) lo sigura seguridad publico.

Como tal, SCDG a ricibi luz berde pa procede cu plan y ehecucion di Carnaval 2021 riba St. Maarten. A tuma e decision aki durante un reunion di Conseho di Minister dia 14 di januari, despues di tuma den consideracion e plannan pa un Carnaval 2021 safe, duna pa representantenan di SDCF, segun a declara den un comunicado di prensa diabierna.

A tuma e decision aki cu comprension cu si e situacion di Covid-19 empeora na St. Maarten relaciona cu transmision di e virus y capacidad medico, ainda por cancela Carnaval 2021. Pues lo sigui monitor e tasa di infeccion como tambe e capacidad di sector salud pa handle cualkier brote posibel.

E plan y ehecucion di Carnaval 2021 lo continua cu protocolnan estricto di Covid-19 pa sigura cu ta cumpli cu tur protocol di salud di coronavirus durante tur eventonan y despues di eventonan, incluyendo tur parada aproba. Pues e hopi-anticipa parada di Jouvert Morning, incluyendo jump-up en general, no lo ta permiti pa tuma luga, ya cu e eventonan aki ta presenta e riesgo mas grandi den terminonan di contaminacion y transmision di Covid-19.

Pa monitor cumplimento cu protocolnan di salud di Covid-19 na luga, SCDF lo ta rekeri pa entrega updatenan diario na ministernan di VSA y TEATT. Lo tin un limite di persona presente durante eventonan na e Festival Village. Mientras tanto, SCDF lo ehecuta un campaña intenso di informacion y conscientisacion, cu lo cuminsa pronto.

“Gobierno tin preocupacion tocante eventonan grandi, sinembargo, ta spera cu e nivel di infeccion di virus Covid-19 lo ta diferente durante lunanan di maart y april como resultado di testing mas intenso cu ta keda andando y e administracion di vacuna spera pa mita di februari.”

Den caso cu capacidad medico di St. Maarten lo bira sobrecarga pa motibo di un aumento significante den e cantidad di casonan activo di Covid-19, cu lo por conduci na cancelacion di Carnaval 2021, gobierno di St. Maarten no lo para responsabel pa ningun perdida di entrada, inversion, of otro, segun a declara den e comunicado di prensa.