(AP) – Riba dialuna OpenAI a bisa cu e tin plan di para e uso di un di su bosnan di ChatGPT cu e actor di “Her” ta bisa ta demasiado similar na esun di dje.
Den un publicacion riba rednan social, OpenAI a bisa cu “nan ta trahando riba pausa” Sky, e nomber di un di e 5 bos cu usuarionan di ChatGPT por usa pa papia cune. E compania a bisa cu el a tende preguntanan tocante “con nan ta scoge e opcionnan di audio disponibel pa e chatbot di inteligencia artificial, particularmente Sky, y kier atende cu nan.”
Entre esunnan cu e preguntanan, ta joansson, ken a duna bos na un assistent di AI ficticio pero alabes futuristico den e pelicula di aña 2013 “Her.”
Johansson a emiti un declaracion bisando cu CEO di OpenAI a acerca su persona den september puntrando si e lo fia su bos pa e sistema, bisando cu e ta sinti cu e lo ta “un comfort pa hende” cu te ainda no ta confortabel cu e tecnologia. El a bisa cu el a rechasa e oferta.
“Ora mi a tende e demo publica, mi tabata den shock, cu rabia y no por a kere Mr. Altman lo persigui un bos cu ta asina cercano na esun dimi cu mi amistadnan mas cercano y noticieronan no por a saca afo e diferencia,” Johansson a bisa.
El a bisa cu OpenAI dudosamente a keda di acuerdo pa para e uso di Sky despues cu el a contrata abogadonan cu a skirbi carta na Altman unda a puntra tocante e proceso cu cual e compania a crea e bos.
OpenAI a cuminsa desmenti internet su teorianan tocante Johansson den un publicacion cu su anuncio, cu e meta di detaya con ChatGPT su bosnan ta ser scogi. E compania a skirbi cu e ta kere cu bosnan di AI no mester “deliberadamente imita un celebridad su bos” y cu e bos di Sky ta “di otro actris profesional.” Pero a agrega cu e no por comparti e nomber di e actris aki pa motibonan di privacidad.
“E bos di Sky no ta di Scarlett Johansson ni tampoco tabata e intencion pa nan ta similar,” Altman a bisa. “Pa e respet cu nos tin pa Sra. Johansson, nos a pausa e uso di Sky su bos den nos productonan. Nos ta pidi despensa na Sra. Johansson cu nos no a comunica di miho manera.”
