Entre e aplicacionnan di biometrica cu probablemente lo trece mayoria di hende abordo cu nan uso amplio, un experiencia menos doloroso na aeropuerto mester ta entre esnan mas importante, segun website biometricupdate.com. Cualkier biahero cu a sinti panico pa motibo di a perde su paspoort awo lo tin algun opcion na aeropuertonan na Singapore y Dubai, y pronto, Aruba tambe.
Aruba y SITA: perde paspoort, busca un margarita
Biahe ‘seamless’ ta un negoshi grandi, pero tambe ta yuda relaha miho. Na Aruba, SITA a desaroya Credencial Digital di Biahe (DTC pa su siglanan na Ingles) cu ta permiti pasaheronan sigura un version digital di nan paspoort riba nan aparato mobil. E identificacion digital, cu ta cumpli cu standardnan di Organisacion Internacional di Aviacion Civil, tin intencion pa permiti biaheronan duna permiso pa permiti haci data selecta disponible na varios servicio, desde inmigracion y aduana te destinacionnan turistico manera hotel y agencia di car rental.
Den un comunicado di prensa, director di inmigracion pa gobierno di Aruba, Andrew Hoo a bisa cu e identificacion digital tin meta pa yuda hende drenta facil den e experiencia di isla. “Nos kier usa e tecnologia aki pa asina bishitantenan nunca lubida cu nan ta riba vakantie ora nan yega e isla,” Hoo a bisa segun biometricupdate ta reporta. “Como un isla unda turismo ta fundamental pa nos economia, nos kier haci e proceso di inmigracion lo mas facil posible pa pasaheronan. Cu un Credencial Digital di Biahe, awo nos tin un manera pa haci entrada na e pais mesun facil cu djis scan bo cara mientras nos ta cumpli cu nos necesidadnan di seguridad.”
