(AP) – Savannah Gankiewicz di Hawaii a ser corona como Miss USA 2023, mas di un siman despues cu e Miss anterior a retira a causa di salud mental.
Naci y cria na e isla di Maui, gankiewicz ta un modelo cu ta lidera un organisacion di caridad pa empoderacion di hende muhe. Gankiewicz, ken tabata e prome runner-up september ultimo, a acepta e titulo riba diaranson durante un coronacion special cu presencia di gobernador di Hawaii Josh Green, Hawaii News Now a reporta. E lo keda cu e titulo te cu augustus.
Miss USA 2024 ta den plan pa tuma luga for di dia 24 di juli te dia 4 di augustus.
Gankiewicz a conta Khon-TV cu el a ricibi hopi critica pa su decision di acepta e resto di e titulo su termino. “Pero mi kier pa hende sa cu m ia tuma e titulo pa motibo cu mi ta considera e ta mi responsabilidad y un oportunidad pa haci un cambio for di paden y mi por haci esaki solamente for di paden di e organisacion y no parando pafo,” el a comenta.
