(AP) – Saudi Arabia ta hopi sigur di bira anfitrion pa e Copa Mundial di hende homber na aña 2034 despues cu e federacion di futbol di Australia a dicidi di no participa den e subasta, cual a ser mira como crea perfectamente pa e Reino rico den petroleo.
FIFA a stipula diamars como e deadline pa e federacionnan miembro na Asia y Oceania pa declara nan interes den ta anfitrion di e torneo y despues a confirma cu solamente Saudi Arabia a declara esaki. Australia su decision di no drenta e subasta a laga Saudi Arabia como e unico candidato declara, cual a desapunta hopi activistanan di derechonan humano. “Nos a explora e oportunidad pa participa den e subasta y bira anfitrion Copa Mundial y despues di a tuma tur e factornan na cuenta, nos a yega e conclusion di no participa den e competencia pa aña 2034,” Football Australia a bisa den un declaracion.
FIFA ainda mester aproba y haci oficial cu Saudi Arabia lo ta e anfitrion, un decision cu probablemente lo ser haci proximo aña sinembargo esaki ta un formalidad so actualmente. E lo marca e final di Saudi Arabia su motivacion ambicioso di bira un hungador grandi den deporte global, invertiendo caba cantidadnan masivo den trece hungadornan strea na su liga domestico, cumprando e club di futbol Ingles Newcastle, lansando e LIV Golf Tour y fungiendo como anfitrion di peleanan di boxeo.
Sinembargo FIFA aparentemente tabata hopi ansioso pa habri e caminda pa Saudi Arabia por ta anfitrion di su evento mas grandi y esaki a trece critica amplio for di activistanan cu ta bisa cu esaki ta expone e curpa den gobernacion su compromiso cu derechonan di ser humano un “falsedad.”
Saudia Arabia su programa di gasta den deporte aproba pa e Prins Mohammed bin Salman a ser describi como un labamento di deporte pa asina por mehora e imagen nacional cual ta hopi biaha asocia cu su record tocante derechonan di hende muhe y e asesinato den aña 2018 di e reportero Jamal Khashoggi.
President di FIFA Gianni Infantino a crea lasonan cercano cu futbol di Saudi Arabia y e Prins na un nivel personal y tin hopi tempo ta purba hiba e competencianan di e mundo di futbol den direccion di e reino. Ora cu FIFA a haci un trato e luna aki pa tin un solo subasta pa e anfitrion di e Copa Mundial 2030, uniendo Spaña, Portugal y Morocco cu 3 wega na Sur America, tambe nan a pura e careda pa bira anfitrion di e torneo na aña 2034 cu solamente federacionnan miembro na Asia y Oceania eligibel pa participa den e subasta.
E deadline aki a duna nan menos di 4 siman pa drenta e subasta prome cu diamars y solamente un luna pa firma un acuerdo cu sosten di e gobierno pa ehecuta 104 wega durante 6 siman. E tempo tabata “un sorpresa,” segun lider di e federacion di Australia James Johnson a admiti diamars, agregando cu “nos ta adulto y nos ta purba di sigui bay dilanti y traha cu e cartanan cu nos tin den nos man.”
Australia lo purba sigura anfitriona e Copa Mundial na aña 2029, cual lo bolbe lansa na aña 2025 cu un torneo cada 4 biaha y un formato nobo di 32 ekipo y e Women’s Asia Cup cu lo tuma luga na aña 2026. Saudi Arabia tambe lo participa den e subasta pa e campeonato di hende muhe.
“Mi ta kere cu lo tin bon intencion crea pa medio di nos participa pa aña 2034,” Johnson a splica e reportero, aceptando cu e recursonan tras di un oferta cu sosten di gobierno di Saudi Arabia ta “dificil pa competi cune.”
Qatar su Copa Mundial a ricibi hopi critica pa variso ana a causa di acusacionnan di abusonan na derechonan humano contra empleadonan migrante necesario pa construi su stadionnan. “FIFA su fracaso den aña 2010 pa insisti riba e proteccionnan di derechonan humano ora a otorga Qatar e Copa Mundial 2022 ta un motibo grandi dicon reformanan serio a ser asina atrasa y implementa di un manera debil,” Football Supporters Europe su director ehecutivo Ronan Evain a declara diamars.
Saudi Arabia su preparacion mester enfrenta e mesun tipo di critica pa e proximo decada.
“E posibilidad cu FIFA por otorga Saudi Arabia e Copa Mundial di aña 2034 a pesar di su record horibel den derechonan humano y a cera e porta na cualkier proposito di monitor ta expone FIFA su promesa na derechonan humano como un falsedad,” Worden a expresa.
FIFA su propio documentonan pa subasta di Copa Mundial ta pusha e anfitrionnan potencial na “respeta e derechonan humano internacionalmente reconoci.” Awo FIFA mester “laga cla con nan ta premira cu e anfitrionnan mester cumpli cu e politicanan di e derechonan humano,” Amnesty International su oficial Steve Cockburn a bisa den un declaracion diamars. “Tambe esaki mester keda prepara pa stop e proceso si e riesgonan di derecho humano no ta atendi cu credibilidad.”
Cu e meta di enfatisa e rigor di su procesonan di evaluacion, FIFA a bisa den un declaracion despues cu e empleadonan lo evalua Saudi Arabia su oferta pa “vision di e evento, infrastructura, servicionan, comercial, sostenibilidad y e derechonan humano.” E ganador pa aña 2034 tabata inmediatamente cla aunke cu e resultado final no lo ta disponibel te proximo aña.
