Ayera anochi, a bira conoci cu Sarah Quita Offringa di Aruba a logra vence Maaike Huverman di Hulanda, ganando e competencia di Wave den PWA World Tour.
Segun un relato di 297sports, riba e ranking mundial Sarah Quita Offringa ta pasa na prome luga overal, faltando unicamente un competencia mas di Wave, cual lo tuma luga na Maui, Hawaii. Despues di a keda na di 3 luga 3 biaha e aña aki, finalmente e biaha aki na Sylt, Sarah Quita ta logra caba den prome luga.
Esaki ta bira e prome biaha cu Sarah Quita ta gana un titulo mundial den Wave. Si Sarah Quita logra gana e proximo competencia di Wave na Hawaii, e lo crea historia, ganando titulo mundial den Wave, Slalom y Freestyle den PWA Tour, ademas di gana su di 16 titulo mundial den su carera.
Potret di 297Sports.
