ORANJESTAD – Durante fin di siman Sarah Quita Offringa a logra gana e prome competencia di freestyle windsurf den e PWA World Tour na Boneiro.
Sarah Quita sin duda a conoce un tremendo dianan di competencia na nos isla ruman di Boneiro.
Den e final Sarah Quita mester a enfrenta Maaike Huvermann di Hulanda. Maaike a start hopi bon y asina ta gana Sarah Quita den e prome rond. Sarah Quita a gana e prome dia di competencia y door di esaki Maaike mester a gana 2 biaha pa asina gana e titulo maximo. Den e asina yama Super Final nan mester a competi 1 biaha mas. Akinan si Sarah Quita a gana di Maaike y asina bay cu e titulo di e prome competencia di PWA Freestyle Windsurfing. Esaki ta segun e fuente 297 Sports.
Mester bisa si cu e atleta hoben Maaike ta un contrincante cu Sarah Quita lo mester tene cuenta cu ne den futuro den e eventonan cu ta sigui.
