Mañan atardi, Santa Rosa lo tene nan evento di mercado di Santa Rosa na Plaza Lolita San Nicolas, unda lo tin diferente actividad y producto di Pasco pa comunidad di Aruba.
Coordinador di proyecto, Jennifer Gamez ta informa cu preparacion ta bayendo bon y ta contento pa comunidad di Aruba cu ta duna nan feedback y cu hopi hende a yama pa participa den e mercado.
“Nos mester a cera pa motibo cu no tin mas luga y pasobra un lo tin evento Plaza Lolita tin espacio chikito unda cu nos no por tin mas cu 25 tent. Nos ta bay tin cuminda di Pasco, cuminda crioyo. Nos ta bay tin diferente cosnan dushi y refreshment. Tambe tent lo tin diferente set di regalo cu hende por cumpra y entrega un regalo”, Gamez ta splica.
Tambe lo tin remedi di tera, ‘nos tin hopi artesano’ cu lo ta cu diferente producto di Pasco y obra di man cu nan mes a traha pa Pasco. Apart di esey lo tin area pa mucha y e parti di musica y gaita.
E evento mes ta cuminsa pa 6or di atardi te cu 11:30 di anochi. E aña aki nan lo duna reconocimento pa diferente baluarte. “E biaha aki, tin 6 hende cu nos ta bay reconoce y duna plakkaat. Caminda lo ta cera for di awe nochi di 9or di anochi pa asina cuminsa set up.”
